Бізнес-навіны
Паміж Мінскам і кітайскім Гуанчжоу можа з'явіцца прамы авіярэйс
4 мая, Мінск /Міхаіл Маціеўскі - БЕЛТА/. Паміж Мінскам і кітайскім Гуанчжоу можа з'явіцца прамы авіярэйс. Аб гэтым Прэзідэнт Беларусі Аляксандр Лукашэнка паведаміў сёння на сустрэчы з прадстаўнікамі кітайскіх цэнтральных і рэгіянальных сродкаў масавай інфармацыі - удзельнікамі прэс-туру ў Беларусь, перадае карэспандэнт БЕЛТА.
Адказваючы на пытанні журналістаў, кіраўнік дзяржавы адзначыў, што Беларусь зацікаўлена развіваць супрацоўніцтва з правінцыяй Гуандун. Бакі актывізавалі гандаль, значна рушылі наперад у сферы турызму і навукі. Кітайскі рэгіён таксама гатовы пабудаваць у індустрыяльным парку "Вялікі камень" прадпрыемствы святлодыёднай прамысловасці. "Сёння ідзе размова аб адкрыцці прамога авіярэйса паміж Мінскам і Гуанчжоу, - дадаў Аляксандр Лукашэнка. - Таму перспектывы добрыя".
Беларусь гатова аказваць падтрымку і іншым рэгіёнам Кітая. "Забароненых тэм і праблем няма ў нашых адносінах, таму вы можаце разлічваць на падтрымку любой вашай ініцыятывы ў Беларусі. Прыходзьце, прапануйце - мы з вялікім задавальненнем прымем і акажам вам падтрымку", - падкрэсліў Прэзідэнт.
Гуанчжоу - сталіца найбольш эканамічна развітай правінцыі Гуандун. Горад з'яўляецца палітычным, эканамічным, навукова-тэхнічным, адукацыйным, культурным і транспартным цэнтрам усяго паўднёвага Кітая.
версія для друку
зрабіць стартавай
дабавіць у выбранае