Бізнес-навіны

Памочнік Прэзідэнта Азербайджана Фуад Алескераў сустрэўся з дырэктарам ПВТ Усеваладам Янчэўскім

2 сакавіка, Мінск /Кар. БЕЛТА/. Азербайджанская дэлегацыя на чале з памочнікам Прэзідэнта па рабоце з праваахоўнымі органамі і ваенных пытаннях Алескеравым Фуадам Муртуз аглы наведала Парк высокіх тэхналогій, паведамілі БЕЛТА ў ПВТ.

Дырэктар ПВТ Усевалад Янчэўскі азнаёміў членаў дэлегацыі з работай парка і яго дасягненнямі. Прадстаўнікі кампаній-рэзідэнтаў ПВТ прадэманстравалі свае распрацоўкі, у тым ліку тыя прадукты і тэхналогіі, якія могуць быць эфектыўна выкарыстаны ў Азербайджане.

Бакі дамовіліся аб канкрэтных праектах супрацоўніцтва і ўкаранення беларускіх тэхналогій у Азербайджане.

Азербайджанскі бок прадставіў на сустрэчы арыгінальную канцэпцыю і вынікі работы службы ASAN - Дзяржаўнага агенцтва па аказанні паслуг грамадзянам і сацыяльных інавацыях пры Прэзідэнце Азербайджана.

версія для друку

зрабіць стартавай

дабавіць у выбранае