Бізнес-навіны

Новы рэзідэнт "Вялікага каменя" пачне выпускаць абсталяванне для разумных дамоў

Фота з архiва

11 красавіка, Мінск /Кар. БЕЛТА/. У індустрыяльным парку "Вялікі камень" зарэгістраваны новы рэзідэнт. Інвестыцыйны праект ТАА "КУБІ РНД" (Беларусь) звязаны з выпускам абсталявання і камплектуючых для модульнага будаўніцтва разумных дамоў, паведамілі БЕЛТА ў прэс-службе парка.

У аснове вытворчасці - інавацыйная тэхналогія Cuby, якая з'яўляецца ўласнай распрацоўкай кампаніі. Яна дае магчымасць выпускаць высокатэхналагічныя канструкцыі з высокімі экалагічнымі характарыстыкамі. Больш за 90 працэнтаў прадукцыі плануецца пастаўляць на экспарт.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

версія для друку

зрабіць стартавай

дабавіць у выбранае