Бізнес-навіны

Нацыянальны цэнтр маркетынгу будзе садзейнічаць развіццю бізнес-кантактаў Беларусі і Індыі

Фота з архiва

10 лютага, Мінск /Кар. БЕЛТА/. Дырэктар Нацыянальнага цэнтра маркетынгу Мікалай Барысевіч правёў анлайн-сустрэчу са старшынёй Усеіндыйскай асацыяцыі прамысловасці (AIAI) Віджаем Калантры, паведамілі БЕЛТА ў НЦМ.

У ходзе сустрэчы бакі абмеркавалі эфектыўныя шляхі рэалізацыі падпісанага ў лістападзе 2022 года ў Нью-Дэлі мемарандума аб узаемаразуменні і дамовіліся аб распрацоўцы плана супрацоўніцтва структур.

У прыватнасці, абмеркавана магчымасць арганізацыі сустрэч з прадстаўнікамі дзелавых колаў Мумбаі ў рамках запланаванага ў бягучым годзе візіту прадстаўнікоў беларускіх прамысловых прадпрыемстваў у Нью-Дэлі, а таксама сумеснага правядзення галіновых відэаканферэнцый, накіраваных на развіццё супрацоўніцтва бізнес-колаў абедзвюх краін.

Акрамя таго, цэнтрам пацверджана гатоўнасць у аказанні садзейнічання індыйскім дзелавым колам у рамках бізнес-місій у Беларусь.

версія для друку

зрабіць стартавай

дабавіць у выбранае