Бізнес-навіны

Нацыянальны стэнд Беларусі будзе прадстаўлены на турыстычных выстаўках у Маскве, Пекіне і Ташкенце

Фота з архiва

19 жніўня, Мінск /Кар. БЕЛТА/. Нацыянальны стэнд Беларусі будзе прадстаўлены на турыстычных выстаўках у Маскве, Пекіне і Ташкенце. Аб гэтым паведамілі БЕЛТА ў Нацыянальным агенцтве па турызме.

Нацыянальны стэнд Беларусі будзе прадстаўлены на турыстычнай выстаўцы ў Маскве "Адпачынак" 17-19 верасня, а таксама на выстаўках у Пекіне 16-18 кастрычніка і Ташкенце 14-16 лістапада.

"Прадстаўленне беларускіх стэндаў на міжнародных выстаўках - важны складнік у пашырэнні турыстычнага патэнцыялу краіны", - заявіў дырэктар Нацыянальнага агенцтва па турызме Дзмітрый Марозаў.

Акрамя таго, Нацыянальнае агенцтва па турызме праводзіць работу па прыёме замежных турыстычных аператараў у рамках інфармацыйных тураў.

"Акрамя знаёмства з асноўнымі беларускімі славутасцямі, асноўны ўпор у такіх сустрэчах зроблены на падзейных мерапрыемствах - важным кампаненце любога падарожжа. Аўтэнтычны канцэрт альбо фестываль - гэта заўсёды яркія эмоцыі і прыемнае ўражанне пасля турыстычнай паездкі", - дадалі ў Нацыянальным агенцтве па турызме.

Дзмітрый Марозаў падкрэсліў, што беларускі каларыт і самабытнасць - гэта тое, што прываблівае замежных турыстаў, і тое, што павінна прысутнічаць у кожным маршруце турыстычнага падарожжа.

версія для друку

зрабіць стартавай

дабавіць у выбранае