Бізнес-навіны

"Тэма энергетычнай і экалагічнай бяспекі - адна з галоўных многіх міжнародных самітаў высокага ўзроўню. Ёй удзяляецца вялікая ўвага і ў Беларусі. Да канца гэтага года ў рэспубліцы будзе зацверджаны Нацыянальны план дзеянняў па ўкараненні прынцыпаў зялёнай эканомікі", - адзначыла Ія Малкіна.

Яна нагадала, што 21 верасня Беларуссю ратыфікавана Парыжскае кліматычнае пагадненне. "Па сутнасці, мы стаім на шляху стратэгічнага змянення ўмоў функцыянавання сусветнай эканомікі. Нам трэба выпрацаваць сістэму ўзаемадзеяння энергетычнага, экалагічнага сектараў, патрэбны сучасныя тэхналогіі, новыя падыходы і правілы", - лічыць першы намеснік міністра.

XXI Беларускі энергетычны і экалагічны форум працуе ў Мінску 11-14 кастрычніка. Дзелавая праграма форуму ўключае пленарнае пасяджэнне, міжнародныя канферэнцыі, навукова-практычныя семінары, прэзентацыі кампаній - удзельніц выстаўкі, на якіх айчынныя і замежныя эксперты прадставяць сучасныя тэхналагічныя рашэнні ў галіне энергетыкі і экалогіі.

Мэта правядзення форуму - садзейнічанне інавацыйнаму развіццю паліўна-энергетычнага сектара Беларусі. Штогод форум становіцца ўнікальным месцам сустрэч энергетыкаў і эколагаў Беларусі і замежжа, садзейнічаючы тым самым пашырэнню супрацоўніцтва, абмену перадавымі распрацоўкамі і праектамі.