Бізнес 
Бізнес-навіны
26 Жнв 2016
Нацыянальная выстаўка Беларусі ў Грузіі пройдзе 1-4 верасня
26 жніўня, Мінск /Кар. БЕЛТА/.
Нацыянальная выстаўка Беларусі ў Грузіі пройдзе з 1 па 4 верасня, паведамілі БЕЛТА ў прэс-службе Беларускай гандлёва-прамысловай палаты.Нацыянальная выстаўка адбудзецца ў выставачным комплексе
Expo Georgia. У ёй прымуць удзел вядучыя беларускія прадпрыемствы - экспарцёры прадукцыі, тавараў і паслуг у сферы машынабудавання, прамысловага абсталявання, сельскай гаспадаркі, вытворчасці спажывецкіх тавараў, прадуктаў харчавання, будаўнічых матэрыялаў, нафтахімічнай прамысловасці, дрэваапрацоўкі, лёгкай прамысловасці, аховы здароўя, спорту, турызму, транспарту, лагістыкі, навукі, адукацыйных паслуг, інфармацыйных тэхналогій, тэлекамунікацый і іншыя.Плануюцца дзелавыя мерапрыемствы, арганізацыя кірмашу-продажу тавараў беларускай вытворчасці, а таксама культурная праграма з удзелам беларускіх артыстаў.
"Нацыянальная выстаўка стане найбольш маштабным выставачным мерапрыемствам Беларусі за мяжой у 2016 годзе і адной з галоўных выставачных падзей года ў Грузіі. Выстаўка дасць магчымасць прадставіць гандлёва-эканамічны патэнцыял Беларусі, будзе садзейнічаць умацаванню рэпутацыі краіны як вытворцы і экспарцёра якасных тавараў і паслуг, павышэнню вядомасці ў Грузіі брэнда "Зроблена ў Беларусі", - расказалі ў БелГПП.
версія для друку
зрабіць стартавай
дабавіць у выбранае
© BELARUS.BY,
2009 - 2024