Бізнес 
Бізнес-навіны
16 Кст 2017
НАН Беларусі і люксембургская кампанія UNERA будуць супрацоўнічаць у сферы біятэхналогій
16 кастрычніка, Мінск /Кар. БЕЛТА/.
Інстытут біяфізікі і клетачнай інжынерыі Нацыянальнай акадэміі навук Беларусі і кампанія UNERA Luxembourg S.A. (Люксембург), якая мае ў Беларусі даччыную фірму ТАА "УнераГруп" (Гродна), падпісалі мемарандум аб супрацоўніцтве, паведамілі БЕЛТА ў прэс-службе НАН.Інстытут біяфізікі і клетачнай інжынерыі НАН цяпер распрацоўвае тэхналогію атрымання біямасы водарасці спіруліны і наладжвае яе вытворчасць са штаму Spirulina platensis IBCE S-2 з уласнай альгалагічнай калекцыі. У адпаведнасці з мемарандумам аб супрацоўніцтве плануецца выкарыстанне беларускай спіруліны ў якасці сыравіны для атрымання інгрэдыентаў з высокай біялагічнай актыўнасцю і іх сумеснае выкарыстанне ў розных галінах народнай гаспадаркі.
Кампанія UNERA Luxembourg S.A. з'яўляецца распрацоўшчыкам і ўласнікам тэхналогіі атрымання біялагічна актыўных злучэнняў з клетак мікраводарасцей і бактэрый, вырабляе інгрэдыенты для харчовых дабавак і касметыкі.
версія для друку
зрабіць стартавай
дабавіць у выбранае
© BELARUS.BY,
2009 - 2024