Бізнес-навіны
Міжнародны форум эканамічнага супрацоўніцтва адкрыецца ў Мінску 9 верасня
Фота з архiва
6 верасня, Мінск /Кар. БЕЛТА/. Міжнародны форум эканамічнага супрацоўніцтва пройдзе ў Мінску 9 верасня. Аб гэтым сёння журналістам паведаміла намеснік старшыні камітэта эканомікі Мінгарвыканкама Таццяна Селівонік, перадае карэспандэнт БЕЛТА.
"У час святкавання Дня горада запланавана правядзенне Міжнароднага форуму эканамічнага супрацоўніцтва, які пройдзе 9 верасня ў Нацыянальнай бібліятэцы Беларусі. Удзел у ім пацвердзілі ўжо больш за 100 замежных дэлегацый. Мы чакаем гасцей з Турцыі, Узбекістана, Палесціны, Пакістана, Малдовы, Азербайджана, Арменіі, Казахстана, КНР, В'етнама. Форум будзе насычаным, на пленарнай нарадзе выступяць прадстаўнікі нашых вядучых міністэрстваў, у тым ліку буйных беларускіх прадпрыемстваў. Мы спадзяёмся на падпісанне кантрактаў. Таксама нашы прадпрыемствы змогуць знайсці контрагентаў на гэтым форуме. Мы будзем расказваць аб сваім інвестыцыйным і прамысловым патэнцыяле, турызме, каб яшчэ больш краін прыязджалі да нас у Беларусь", - расказала Таццяна Селівонік.
На дзень раней на пляцоўцы каля Нацыянальнай бібліятэкі адкрыецца выстаўка прамысловага сектара Мінска. "Выстаўка будзе доўжыцца два дні - 8 і 9 верасня. У ёй прымуць удзел больш за 12 арганізацый беларускіх дзяржаўных вытворцаў і прыватных прадпрыемстваў. На ёй будзе прадстаўлена тэхніка МТЗ, МАЗа, АМКАДОРа, "Белкамунмаша", - праінфармавала намеснік старшыні.
Чакаецца, што на Дзень горада прыедуць больш за 16 афіцыйных дэлегацый: з 14 рэгіёнаў Расіі, свой удзел таксама пацвердзілі дэлегацыі Арменіі і Казахстана. "Госці наведаюць МАЗ, АМКАДОР, "Камунарку". Таксама плануецца падпісанне пагадненняў паміж урадам Мурманскай вобласці і ўрадам Беларусі аб гандлёва-эканамічным, навукова-тэхнічным і сацыяльна-культурным супрацоўніцтве. Акрамя таго, Мінск падпіша пагадненне з урадам Севастопаля, а таксама мемарандум аб далейшым развіцці пабрацімскіх адносін з Новасібірскам", - дадала Таццяна Селівонік.
версія для друку
зрабіць стартавай
дабавіць у выбранае