Бізнес-навіны

МТЗ з пачатку года паставіў у Пакістан больш за 250 трактароў

Фота МТЗ

23 красавіка, Мінск /Кар. БЕЛТА/. Мінскі трактарны завод з пачатку 2020 года паставіў у Пакістан больш за 250 трактароў, паведамілі БЕЛТА ў прэс-службе прадпрыемства.

"Пакістан - даўні і стратэгічна важны экспартны рэгіён для МТЗ, - адзначылі ў прэс-службе. - Нават нягледзячы на крызіс у многіх азіяцкіх краінах і ўведзеныя ў сувязі са складанай эпідэміялагічнай сітуацыяй абмежавальныя меры, пастаўкі захоўваюцца на запланаваным узроўні. Цяпер чарговая партыя тэхнікі МТЗ адгружаецца ў Пакістан".

Традыцыйна Мінскі трактарны завод экспартуе ў Пакістан мадэлі трактароў BELARUS-510 і BELARUS-512 магутнасцю 57 к.с. Беларуская тэхніка пастаўляецца ў гэту краіну з 1955 года, увезена больш за 120 тыс. машын.

Мінскі трактарны завод - адзін з буйнейшых вытворцаў сельскагаспадарчай тэхнікі ў свеце. У склад холдынга акрамя МТЗ уваходзяць дзевяць прадпрыемстваў, створана 26 зборачных вытворчасцей за мяжой. На вытворчасці працуюць звыш 17 тыс. чалавек, прадукцыя прадстаўлена на рынках больш як 60 дзяржаў.

версія для друку

зрабіць стартавай

дабавіць у выбранае