Бізнес-навіны

МТЗ паставіць у Судан 219 трактароў

25 жніўня, Мінск /Кар. БЕЛТА/. Мінскі трактарны завод паставіць у Судан 219 трактароў, паведамляе БЕЛТА са спасылкай на Telegram-канал прадпрыемства.

У пачатку лета завод падпісаў дагавор з дылерам з Судана на адпраўку 204 трактароў BELARUS-800 з тэнтам. Але пасля дадатковых перагавораў суданскі партнёр вырашыў таксама вывезці новую для іх рынку мадэль - BELARUS-92.

"У выніку ў Судан плануецца адправіць 219 адзінак тэхнікі. Паколькі партыя вялікая, значным стаў і кошт фрахту. Каб захаваць канкурэнтаздольнасць машын, спецыялісты маркетынг-цэнтра МТЗ знайшлі новае лагістычнае рашэнне. Трактары паплывуць на акіянскім судне не ў кантэйнерах, а на ўмовах Ro-Ro - у труме. Прычым усе адразу. 14 кастрычніка тэхніка павінна быць у порце Бронка ў Санкт-Пецярбургу. Адтуль яе даставяць у Брэмерхафен, дзе перагрузяць на лайнер", - гаворыцца ў паведамленні.

Мінскі трактарны завод - адзін з найбуйнейшых вытворцаў сельскагаспадарчай тэхнікі ў свеце. У склад холдынга акрамя МТЗ уваходзіць 10 прадпрыемстваў, створана больш за 20 зборачных вытворчасцей за мяжой. Прадукцыя прадстаўлена на рынках больш як 60 дзяржаў.

версія для друку

зрабіць стартавай

дабавіць у выбранае