Бізнес-навіны

"Імперыя злакаў" адпраўляе аўсянку на афрыканскі рынак　

Фота Unsplash

2 красавіка, Мінск /Кар. БЕЛТА/. Дырэктар УВП "Смаргонскі камбінат хлебапрадуктаў" Максім Кузьмянок расказаў часопісу "Экономика Беларуси" аб пастаўках прадукцыі.　

Брэнд "Імперыя злакаў" карыстаецца попытам не толькі на рынку краіны, але і далёка за яе межамі - адгрузкі ідуць у некалькі дзясяткаў краін Еўропы, СНД, а апошнім часам і Афрыкі. 　

"Чатыры кантэйнеры, напрыклад, адпраўлены на нядаўна асвоены рынак Кеніі, дзяржавы на мяжы двух зямных паўшар'яў, рэгіянальны цэнтр гандлю і фінансаў Усходняй Афрыкі", - адзначыў кіраўнік прадпрыемства.　

Камякі з аўса, пшаніцы, жыта, ячных круп і грэчкі на прадпрыемстве праходзяць мінімальную тэрмаапрацоўку інфрачырвонымі прамянямі (усяго некалькі секунд), што дазваляе захаваць максімум карысных рэчываў. 　

Жамчужына брэнда - аўсяная каша "Залаты каласок", у якой (даказана ў лабараторных даследаваннях) не менш за 16 разнавіднасцей важных для здароўя элементаў, што паляпшаюць страваванне, умацоўваюць імунітэт і стымулююць працаздольнасць. Дарэчы, "хуткія" кашы ў Смаргоні ўкаранілі аднымі з першых у краіне.　

Супрацоўнікі камбіната заўсёды ў курсе самых модных і інавацыйных тэндэнцый. Адна з іх - мука з мікранізаванага збожжа пшаніцы і жыта, якое кароткачасова апрацоўваюць інфрачырвонымі прамянямі, у выніку чаго разбураюцца таксічныя рэчывы, а ліпідны і вітамінны састаў збожжа захоўваецца. Эксклюзіўны прадукт камбіната спадабаецца адэптам здаровага харчавання. У якасці дадатковага бонуса - больш насычаны смак. Хлеб з такой мукі будзе пышным і лёгкім, а пячэнне - мяккім і рассыпістым.

версія для друку

зрабіць стартавай

дабавіць у выбранае