Бізнес-навіны

Мінфіны Беларусі і РФ пачынаюць падрыхтоўку механізма міжбюджэтных нафтавых разлікаў

Фота з архiва

25 сакавіка, Мінск /Кар. БЕЛТА/. Міністэрствы фінансаў Беларусі і Расіі пачынаюць падрыхтоўку механізма міжбюджэтных нафтавых разлікаў, паведамілі карэспандэнту БЕЛТА ў прэс-службе Мінфіна Беларусі.

"Мінфін Беларусі пачынае работу з расійскімі калегамі для падрыхтоўкі адпаведнага механізма", - паведамілі ў прэс-службе.

Прэм'ер-міністр Беларусі Сяргей Румас 24 сакавіка паведаміў журналістам, што расійскія кампаніі будуць пастаўляць нафту ў Беларусь без прэміі, частку прэміі кампенсуе расійскі ўрад з дапамогай міжбюджэтных разлікаў.

Паводле яго слоў, прэмія для расійскіх пастаўшчыкоў нафты складала $11,7. "З гэтай прэміі $7 зніжаюць кампаніі. Гэта значыць кампаніі будуць пастаўляць нафту з прэміяй $4,7. Яны будуць урэгуляваны міжбюджэтнымі разлікамі. Гэта значыць урад Расійскай Федэрацыі возьме гэтыя $4,7 на сабе", - тлумачыў Сяргей Румас.

версія для друку

зрабіць стартавай

дабавіць у выбранае