Бізнес-навіны
Мінэнерга расказала аб выкананых у першым паўгоддзі на БелАЭС работах
23 жніўня, Мінск /Кар. БЕЛТА/. Па выніках першага паўгоддзя бягучага года пры ўзвядзенні Беларускай АЭС выканана работ па генеральным кантракце на суму $281,9 млн, паведамляе БЕЛТА са спасылкай на сайт Міністэрства энергетыкі.
У справаздачным перыядзе прадаўжаліся работы па ўзвядзенні першага і другога энергаблокаў Беларускай АЭС, а таксама агульнастанцыйных аб'ектаў. У красавіку 2017 года зманціраваны корпус рэактара першага энергаблока, чатыры парагенератары, кран эстакады транспартнага шлюза. У чэрвені пачата зварка галоўнага цыркуляцыйнага трубаправода.
На першым энергаблоку і шэрагу агульнастанцыйных аб'ектаў вядзецца мантаж асноўнага тэхналагічнага, цепламеханічнага і электратэхнічнага абсталявання. У будынку рэактара другога энергаблока выконваюцца работы па ўстаноўцы ўнутранай ахоўнай абалонкі.
У рамках Дзяржаўнай інвестыцыйнай праграмы на 2017 год у першым паўгоддзі будаваліся восем жылых дамоў. Прадаўжалася будаўніцтва аб'ектаў ваеннага гарадка для вайсковай часці.
версія для друку
зрабіць стартавай
дабавіць у выбранае