Бізнес-навіны

Мінэканомікі: паслужна-інвестыцыйнае пагадненне стане адным з драйвераў развіцця адносін Беларусі і КНР

Фота прэс-службы Мінэканомікі

25 ліпеня, Мінск /Кар. БЕЛТА/. Паслужна-інвестыцыйнае пагадненне стане адным з драйвераў развіцця беларуска-кітайскіх адносін. Аб гэтым заявіла начальнік галоўнага ўпраўлення эканамічнай інтэграцыі Мінэканомікі Марына Яжова, паведамілі БЕЛТА ў прэс-службе Мінэканомікі.

У Мінску стартаваў заключны 7-ы раўнд перагавораў па Пагадненні аб гандлі паслугамі і ажыццяўленні інвестыцый паміж Беларуссю і Кітайскай Народнай Рэспублікай. Парадак дня раўнда ўключае чатыры перагаворныя дні, у ходзе якіх плануецца абмеркаванне шырокага кола пытанняў. На працягу тыдня бакі маюць намер поўнасцю завяршыць перагаворы па тэксце праекта: узгадніць ключавыя падыходы да асобных палажэнняў главы "Інвестыцыі", пацвердзіць прымальнасць рэдакцый у частцы гандлю паслугамі. Акрамя таго, плануецца "закрыць" астатнія пазіцыі па доступе на рынак інвестыцый, а таксама завяршыць абмеркаванне па пытаннях перамяшчэння фізічных асоб.

З беларускага боку перагаворную каманду ўзначаліць начальнік галоўнага ўпраўлення эканамічнай інтэграцыі Мінэканомікі Марына Яжова, з кітайскага - намеснік генеральнага дырэктара дэпартамента СГА Мінкамерцыі Юсан Чэн. У перагаворах ад беларускага боку таксама прымуць удзел прадстаўнікі Мінэканомікі, МЗС, МУС, МПЗ, ААЦ.

У ходзе цырымоні адкрыцця перагавораў Марына Яжова выказала надзею, што распрацаванае паслужна-інвестыцыйнае пагадненне стане адным з драйвераў развіцця беларуска-кітайскага ўсебаковага стратэгічнага партнёрства.

У сваю чаргу Юсан Чэн адзначыў, што паспяховае завяршэнне перагавораў па гэтым пагадненні будзе садзейнічаць стварэнню стабільнага і прадказальнага асяроддзя для пастаўшчыкоў паслуг і інвестараў, садзейнічаць развіццю двухбаковага гандлёва-эканамічнага супрацоўніцтва.

версія для друку

зрабіць стартавай

дабавіць у выбранае