Бізнес-навіны

Мінэканомікі ініцыявана прадаўжэнне тэрміну дзеяння ўказа аб падтрымцы эканомікі

Фота з архiва

13 жніўня, Мінск /Кар. БЕЛТА/. Міністэрства эканомікі ініцыюе прадаўжэнне тэрміну дзеяння ўказа нумар 143 ад 24 красавіка 2020 года "Аб падтрымцы эканомікі", паведамілі БЕЛТА ў прэс-службе ведамства.

"Для выпрацоўкі ўзгодненай пазіцыі аб далейшых мерах па падтрымцы эканомікі міністэрства сумесна з аб'яднаннямі юрыдычных асоб і індывідуальнымі прадпрымальнікамі (асацыяцыямі і саюзамі) і дзяржорганамі прапрацоўвае тэрміны прадаўжэння прадастаўлення прадугледжаных указам нумар 143 прэферэнцый для суб'ектаў гаспадарання, якія раней не звярталіся за падтрымкай, і для тых, хто атрымаў яе ў другім і трэцім кварталах бягучага года", - гаворыцца ў паведамленні міністэрства.

Таксама прапрацоўваецца неабходнасць пашырэння пераліку відаў эканамічнай дзейнасці, якія найбольш падпадаюць пад неспрыяльнае ўздзеянне эпідэміялагічнай сітуацыі, зацверджанага гэтым дакументам.

Як адзначылі ў Мінэканомікі, адпаведны праект указа будзе ўнесены ва ўрад.

версія для друку

зрабіць стартавай

дабавіць у выбранае