Бізнес-навіны

Мятлікаў: радуе, што рэгіянальныя арганізацыі Беларусі і Расіі актыўна ўзаемадзейнічаюць

Міхаіл Мятлікаў . Фота з архiва

15 мая, Мінск /Кар. БЕЛТА/. Старшыня Беларускай гандлёва-прамысловай палаты Міхаіл Мятлікаў у час сустрэчы з дэлегацыяй Уладзімірскай вобласці Расіі на чале з губернатарам Аляксандрам Аўдзеевым адзначыў, што яго радуе актывізацыя ўзаемадзеяння рэгіянальных арганізацый Беларусі і Расіі, перадае карэспандэнт БЕЛТА.

"Сёння будзе падпісана пагадненне паміж беларускай і ўладзімірскай гандлёва-прамысловымі палатамі. У нас ужо ёсць пагадненні з рэгіянальнымі палатамі. Радуе, што паміж сабой працуюць не толькі цэнтральныя беларускія і расійскія арганізацыі, але і рэгіянальныя. Бізнес і прадпрыемствы з рэгіёнаў таксама актыўна сустракаюцца і ўзаемадзейнічаюць", - сказаў у прывітальным слове Міхаіл Мятлікаў.

Супрацоўніцтва, якое развіваецца паміж Беларуссю і Расіяй, цяпер мае практычны характар, дадаў Аляксандр Аўдзееў. "У цяперашніх геапалітычных умовах санкцыйнага націску пытанні пошуку кааперацыйных сувязей і элементаў імпартазамяшчэння выходзяць на першы план. Гэта праяўляецца літаральна ва ўсім. Нядаўна мы ажыццявілі бізнес-місію, па выніках якой плануецца падпісанне трох дагавораў з беларускім бокам", - адзначыў губернатар.

версія для друку

зрабіць стартавай

дабавіць у выбранае