Бізнес-навіны

Міхаіл Мясніковіч нагадаў, што нядаўна прэзідэнт Расіі Уладзімір Пуцін запрасіў краіны ЕАЭС удзельнічаць у расійскіх праграмах. "Вельмі добрае і абнадзейлівае рашэнне. Лічу, што гэта стане развязкай тых праблемных вузлоў, якія стрымлівалі расійска-беларускую прамысловую кааперацыю і выбудоўванне адзінай прамысловай палітыкі", - адзначыў ён.

Пакуль бар'еры, якія стрымліваюць удзел нерэзідэнтаў у нацыянальных праграмах дзвюх краін, застаюцца. "Інтэграцыйных структур шмат, а аднолькавых умоў для работы на адзінай эканамічнай прасторы няма. Лічу, што Пастаянны камітэт Саюзнай дзяржавы будзе актыўней вырашаць гэтыя пытанні. Трэба зрабіць усё магчымае і ў "цэнтры", і на месцах, каб дагаворы і іншыя прынятыя рашэнні Саюзнай дзяржавы працавалі", - лічыць Міхаіл Мясніковіч.

Старшыня Савета Рэспублікі падкрэсліў, што Беларусь і Расія павінны разам пераадольваць знешнія выклікі. "Не сакрэт, што глабальныя рэгіянальныя выклікі, з якімі сутыкнуліся нашы краіны, узніклі не па нашай ініцыятыве. Сёння выйсце з аб'ектыўна цяжкага становішча ў многім кожны шукае самастойна і ў Расіі, і ў Беларусі. Упэўнены, трэба ў большай ступені кансалідаваць нашы намаганні", - заявіў ён.