Бізнес-навіны

Мясніковіч на сустрэчы з прэм'ер-міністрам Кубы прапанаваў стварыць у Беларусі СП па вытворчасці лякарстваў

Фота прэс-службы ЕЭК

14 чэрвеня, Масква /Эдуард Півавар - БЕЛТА/. Старшыня Калегіі Еўразійскай эканамічнай камісіі Міхаіл Мясніковіч на перагаворах у Маскве з прэм'ер-міністрам Кубы Мануэлем Марэра Крусам прапанаваў прапрацаваць пытанне стварэння ў Беларусі сумеснага прадпрыемства па вытворчасці біялагічных лякарстваў. Аб гэтым БЕЛТА паведамілі ў прэс-службе ЕЭК.

"Можна было б размясціць такую вытворчасць у Беларусі, ёсць папярэдняя падтрымка кіраўніцтва. Кубінскі бок мог бы ўдзельнічаць праз інтэлектуальны ўклад, а беларускі - праз інвестыцыі. Калі лякарствы будуць выпускацца па стандартах Еўразійскага эканамічнага саюза, то яны будуць мець доступ на ўвесь рынак ЕАЭС. Упэўнены, што і іншыя дзяржавы - члены нашага саюза будуць зацікаўлены ў прамысловай кааперацыі", - сказаў Міхаіл Мясніковіч.

На сустрэчы старшыня Калегіі ЕЭК адзначыў узрастаючыя паказчыкі тавараабароту краін ЕАЭС і Кубы за 2022 год і пачатак 2023 года. Паводле яго слоў, у студзені-сакавіку 2023 года тавараабарот краін саюза з Кубай вырас у 6 разоў да аналагічнага перыяду мінулага года.

"Куба ў якасці краіны - наглядальніка пры ЕАЭС прадоўжыць умацоўваць узаемаадносіны з краінамі саюза ў мэтах развіцця і падтрымання гандлёва-эканамічнага супрацоўніцтва", - адзначыў прэм'ер-міністр Кубы. Ён падкрэсліў, што Куба будзе працаваць над стабільнымі пастаўкамі кубінскай прадукцыі ў краіны саюза, а таксама над забеспячэннем прысутнасці тавараў краін ЕАЭС на рынку Кубы і іншых лацінаамерыканскіх краін. Кубінскі бок прапанаваў таксама адкрыць прамысловы парк ЕАЭС у сваёй краіне на тэрыторыі асаблівай зоны развіцця "Марыэль".

"У якасці чарговага кроку дамоўлена аб правядзенні 3-га пасяджэння сумеснай камісіі па ўзаемадзеянні паміж Еўразійскай эканамічнай камісіяй і Рэспублікай Куба восенню 2023 года ў вочным фармаце на высокім узроўні з удзелам навуковых і дзелавых колаў краін ЕАЭС і Кубы. У парадак дня пасяджэння ўвойдуць такія пытанні, як супрацоўніцтва ў сферах тэхнічнага рэгулявання, фармацэўтыкі, прамысловасці, лічбавізацыі эканомікі, аховы здароўя, развіцця дыялогу па лініі навуковых і дзелавых колаў", - рэзюмавалі ў прэс-службе.-0-
Признак для эфира: 

версія для друку

зрабіць стартавай

дабавіць у выбранае