Бізнес-навіны
МАЗ паставіў 100 аўтобусаў у Калінінград
26 ліпеня, Масква /Эдуард Півавар - БЕЛТА/. Лізінгавая кампанія "ТК Лізінг" - афіцыйны дылер ААТ "Мінскі аўтамабільны завод" - завяршыла пастаўкі 100 адзінак тэхнікі муніцыпальнаму прадпрыемству "Калінінград-ГарТранс", паведамілі БЕЛТА ў прэс-службе пасольства Беларусі ў Расіі.
Сума кантракта склала больш за 1,5 млрд расійскіх рублёў. Аўтобусы маркі МАЗ 203085 былі перададзены калінінградскаму прадпрыемству ў адпаведнасці з заключанымі дагаворамі да 25 ліпеня.
"Адміністрацыя Калінінграда з удзелам пасольства Беларусі ў Расіі плануе правесці 28 ліпеня ўрачыстае мерапрыемства па перадачы новых аўтобусаў эксплуатуючай арганізацыі", - адзначылі ў прэс-службе.
Акрамя таго, ТАА "Калінінград МАЗ Цэнтр" рэалізаваны кантракт на пастаўку чатырох аўтобусаў МАЗ 203085 калінінградскай групе кампаній "ПАП" на суму 35 млн расійскіх рублёў.
Цяпер пасольствам Беларусі ў Расіі ва ўзаемадзеянні з адміністрацыяй Калінінграда абмяркоўваюцца далейшыя закупкі яшчэ 100 адзінак аўтобусаў МАЗ аналагічнага класа ў 2017 годзе па праграме падрыхтоўкі горада да чэмпіянату свету па футболе 2018 года.
версія для друку
зрабіць стартавай
дабавіць у выбранае