Бізнес-навіны

Манойла: у беларускіх прадуктаў харчавання каласальныя перспектывы на расійскім рынку

Фота з архiва

15 красавіка, Мінск /Кар. БЕЛТА/. У беларускіх прадуктаў харчавання каласальныя перспектывы на расійскім рынку, заявіў у эфіры тэлеканала "Беларусь 1" палітолаг, прафесар МДУ імя Ламаносава Андрэй Манойла, паведамляе БЕЛТА.

"Мы вельмі добра ведаем беларускую прадукцыю. І ведаем аб тым, што прадукты з Беларусі заўсёды вызначаюцца высокай якасцю. Там няма хімічных рэчываў, дабавак, іх можна бяспечна есці, і яны вельмі смачныя, - сказаў Андрэй Манойла. - Што датычыцца сітуацыі ў РФ, то ў нас, на жаль, з праграмай імпартазамяшчэння мала што атрымалася. Таму што, калі пачаліся санкцыі, высветлілася, што нават расійскія харчовыя тавары шмат у чым грунтаваліся на кампанентах, якія ўсё роўна імпартаваліся. Камбікармы і насенны фонд завозіліся з-за мяжы. І ў гэтых адносінах мы сутыкнуліся з пэўнымі цяжкасцямі, якіх у Беларусі няма".

Палітолаг канстатаваў: Беларусь захавала сваю сельскую гаспадарку і незалежнасць ад заходніх паставак у значнай ступені. "Таму для беларускіх вытворцаў малочнай, мясной, сельскагаспадарчай прадукцыі адкрываюцца, вядома, каласальныя перспектывы ўваходу на расійскі рынак і паставак расійскім спажыўцам. І ў гэтых адносінах тыя дамоўленасці, якія дасягнуты і па гэтым сегменце, таксама вельмі важныя", - дадаў ён.

версія для друку

зрабіць стартавай

дабавіць у выбранае