Бізнес-навіны

Лукашэнка: перш чым прасіць грошы, пакажыце, што ўкладзены рубель дасць 10 рублёў выручкі

9 жніўня, Шклоў /Кар. БЕЛТА/. Перш чым прасіць грошы для развіцця сельгасвытворчасці, трэба падцягнуць унутраныя рэзервы, у першую чаргу тэхналагічную і выканальніцкую дысцыпліну. Аб гэтым Прэзідэнт Беларусі Аляксандр Лукашэнка заявіў на нарадзе ў Шклове, перадае карэспандэнт БЕЛТА.

Прэзідэнт папярэдзіў, што пры рэалізацыі праграм і рашэнняў па развіцці сельгасвытворчасці, памылак быць не можа. "Таму што гэта велізарныя грошы і ў нас лішніх грошай няма".

Кіраўнік дзяржавы падкрэсліў, што ў Аршанскім раёне, напрыклад, пабудаваны агракомплексы, вопыт якіх можна і трэба тыражаваць на гэты і Шклоўскі раёны. "Ёсць гэтыя "зародкі". Трэба ісці ў гэтым напрамку. Мы ўжо вычарпалі тое, што ляжала на паверхні, прыносячы $8 млрд экспарту (гэта вялікія грошы, ні адна галіна столькі не дае). Усё гэта вычарпана, трэба цяпер тэхналогіямі займацца. А тэхналагічная і выканальніцкая дысцыпліна - гэта галоўнае. Не будзе гэтага - няма чаго і займацца і ўкладваць грошы. Таму перш чым прасіць грошы, звяртацца ў банкі, ва ўрад, тым больш да мяне, - пакажыце, што ўкладзены рубель дасць 10 рублёў выручкі", - сказаў Аляксандр Лукашэнка.

версія для друку

зрабіць стартавай

дабавіць у выбранае