Бізнес-навіны

Лукашэнка паабяцаў, што ў Беларусі зробяць айчынны мабільны тэлефон

27 верасня, Мінск /Кар. БЕЛТА/. У Беларусі маюць намер зрабіць айчынны мабільны тэлефон са сваім праграмным забеспячэннем. Аб гэтым Прэзідэнт Беларусі Аляксандр Лукашэнка заявіў 27 верасня на сустрэчы са студэнтамі ВНУ інжынерна-тэхнічнага профілю ў фармаце "Адкрыты мікрафон" у БДУІР, перадае карэспандэнт БЕЛТА.

Кіраўнік дзяржавы падкрэсліў, што ў краіне вырабляюцца сучасныя аўтобусы і электробусы, легкавыя аўтамабілі, трактары і камбайны, якія па якасці не горшыя за лепшыя імпартныя ўзоры. "Ёсць дасягненні ў мікраэлектроніцы, нават ноўтбук свой зрабілі, у інфармацыйных тэхналогіях, фармацэўтыцы, біятэхналогіях. Гэта я толькі малую частку назваў. Краіна развіваецца, людзі таксама развіваюцца", - сказаў Прэзідэнт.

"І айчынны мабільны тэлефон, пра які шмат-шмат цяпер гавораць, мы таксама зробім. Абавязаны зрабіць, таму што гаджэты сёння, як вы бачылі апошнім часам, ператварылі ў баявую зброю. Гэта пытанне ўжо нацыянальнай бяспекі", - падкрэсліў Прэзідэнт.

версія для друку

зрабіць стартавай

дабавіць у выбранае