Бізнес-навіны

Лукашэнка на сустрэчы з Пуціным прапанаваў развіваць супрацоўніцтва з КНДР "на траіх"

15 верасня, Мінск /Кар. БЕЛТА/. Прэзідэнт Беларусі Аляксандр Лукашэнка на сустрэчы з Прэзідэнтам Расіі Уладзімірам Пуціным прапанаваў развіваць супрацоўніцтва з КНДР "на траіх", перадае карэспандэнт БЕЛТА.

"Назіраў уважліва за апошнімі вашымі цяжкімі гэтымі працоўнымі днямі. Прыемна было бачыць вас з Кім Чэн Ынам на касмадроме Усходні. Таму што сам быў там. Мы з вамі наведвалі гэты касмадром раней. Я думаю, што мы можам падумаць і аб супрацоўніцтве недзе на траіх. Паўночная Карэя, Расія... Ведаю, што інтарэс вялікі ў карэйцаў да вас. Я думаю, кусок работы і Беларусі там знойдзецца. З улікам тых праблем, якія існуюць", - заявіў беларускі лідар.

Аляксандр Лукашэнка таксама заявіў аб намеры расказаць расійскаму калегу аб супрацоўніцтве з краінамі Афрыканскага кантынента, асабліва з улікам нядаўняга візіту ў Беларусь Прэзідэнта Экватарыяльнай Гвінеі. "Вельмі вядомы чалавек. І дасведчаны чалавек. Ёсць таксама сумесная работа па афрыканскім напрамку", - адзначыў кіраўнік дзяржавы.

"Словам, здавалася, што мы ўжо вырашылі ўсе пытанні. А яны ўсё збіраюцца і збіраюцца. Таму ёсць неабходнасць своечасова і параіцца", - сказаў Аляксандр Лукашэнка, завяршаючы сваё ўступнае слова на пратакольнай частцы сустрэчы.

версія для друку

зрабіць стартавай

дабавіць у выбранае