Бізнес-навіны

Лукашэнка: Беларусь гатова пашыраць супрацоўніцтва з Казахстанам па стварэнні сумесных прадпрыемстваў

4 сакавіка, Мінск /Кар. БЕЛТА/. Беларусь гатова пашыраць супрацоўніцтва з Казахстанам па стварэнні сумесных прадпрыемстваў. Аб гэтым Прэзідэнт Беларусі Аляксандр Лукашэнка заявіў на сустрэчы з паслом Казахстана ў Беларусі Ерланам Байжанавым, перадае карэспандэнт БЕЛТА.

"У нас з вамі створаны добрыя сумесныя прадпрыемствы па вытворчасці камбайнаў, трактароў, ліфтаў. Плануецца далейшае развіццё нашых тэхналогій і стварэнне на іх аснове сумесных прадпрыемстваў у Казахстане, Беларусі. Мы гатовы падтрымліваць вас у любы момант. Любыя вашы пажаданні на тэрыторыі Беларусі - гэта для нас закон. Мы гатовы да пашырэння нашага супрацоўніцтва ў плане стварэння сумесных прадпрыемстваў", - заявіў кіраўнік дзяржавы.

Цяпер у Беларусі зарэгістравана 55 прадпрыемстваў з казахстанскім капіталам, у тым ліку 17 сумесных і 38 замежных.

У Казахстане дзейнічае больш за 170 суб'ектаў тавараправоднай сеткі беларускіх прадпрыемстваў. Рэалізуюцца кааперацыйныя праекты па сумеснай вытворчасці трактарнай, сельскагаспадарчай, аўтамабільнай і прычапной, пажарнай і аварыйна-выратавальнай тэхнікі, а таксама ліфтавага абсталявання.

версія для друку

зрабіць стартавай

дабавіць у выбранае