Бізнес-навіны

Лукашэнка адобрыў праект пагаднення з Кітаем аб гандлі паслугамі і ажыццяўленні інвестыцый

Фота з архiва

16 лістапада, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў указ нумар 356, якім адобрыў у якасці асновы для правядзення перагавораў праект пагаднення паміж урадам Рэспублікі Беларусь і ўрадам Кітайскай Народнай Рэспублікі аб гандлі паслугамі і ажыццяўленні інвестыцый. Аб гэтым БЕЛТА паведамілі ў прэс-службе Прэзідэнта.

Такім чынам замацоўваецца прававая аснова для ўстойлівага і дынамічнага развіцця гандлёвых і інвестыцыйных адносін паміж дзвюма краінамі. Размова ідзе аб стварэнні зоны свабоднага гандлю паслугамі паміж Беларуссю і КНР, транспарэнтнага, ліберальнага і спрыяльнага інвестыцыйнага рэжыму для прыцягнення інвестыцый.

Пагадненне стварае зачын для развіцця супрацоўніцтва ў новых сферах пры захаванні (абароне) інтарэсаў абодвух бакоў у найбольш адчувальных сегментах эканомік.

На правядзенне перагавораў і падпісанне пагаднення пры дасягненні дамоўленасці ў межах адобранага праекта ўпаўнаважана Міністэрства эканомікі.

Чакаецца, што ў перспектыве супрацоўніцтва ў рамках пагаднення дасць магчымасць дынамічна нарошчваць экспарт беларускіх паслуг у Кітай і павялічыць інвестыцыйныя патокі з боку Кітая.

версія для друку

зрабіць стартавай

дабавіць у выбранае