Бізнес-навіны

Кіраўнік Хабараўскага края: мы хочам і гатовы выбудоўваць яшчэ больш цеснае супрацоўніцтва з Беларуссю

12 мая, Мінск /Кар. БЕЛТА/. Хабараўскі край гатовы выбудоўваць яшчэ больш цеснае супрацоўніцтва з беларускімі прадпрыемствамі. Аб гэтым заявіў губернатар расійскага рэгіёна Міхаіл Дзегцяроў на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Кіраўнік рэгіёна ў першую чаргу падзякаваў Аляксандру Лукашэнку за магчымасць наведаць Беларусь і правесці сустрэчу на вышэйшым узроўні. "Я асабіста тут упершыню, але адчуваю сябе як дома. Гэта наша вялікая краіна - Саюзная дзяржава, руская мова, агульная Перамога ў Вялікай Айчыннай вайне", - сказаў Міхаіл Дзегцяроў. Ён адзначыў, што ў Беларусі ўдзяляецца вялікая ўвага захаванню гістарычнай памяці, а гэта асабліва актуальна ў той перыяд, калі Беларусь і Расія адчуваюць беспрэцэдэнтны санкцыйны націск з боку Захаду.

"Вераломна ўводзяцца санкцыі, праводзіцца фактычна экспрапрыяцыя ўласнасці нашых краін за мяжой. Гэта выбар Захаду, не наш выбар. У існуючай сітуацыі мы хочам і гатовы выбудоўваць яшчэ больш цеснае супрацоўніцтва з прадпрыемствамі Беларусі. Са мной прыехала каманда ўрада Хабараўскага края і бізнес-місія: будаўнікі, аграрыі, лесанарыхтоўшчыкі і, вядома, прадпрымальнікі, занятыя ў сферы гандлю, якія хочуць дыверсіфікаваць закупкі і нарошчваць пастаўкі ў Хабараўскі край якаснай беларускай прадукцыі", - сказаў кіраўнік рэгіёна.

Акрамя таго, з дэлегацыяй прыбыў кіраўнік саюза, які аб'ядноўвае больш за 15 вытворцаў рыбнай прадукцыі і кансерваў, яны гатовы прапанаваць сваю прадукцыю беларускаму спажыўцу. "Для нас, як рэгіёна аддаленага, важна хутка ўключыцца ў інтэграцыйныя працэсы, і мы гэта абавязкова зробім", - дадаў губернатар.

Хабараўскі край, паводле яго слоў, з'яўляецца прамысловым цэнтрам Далёкага Усходу. Апошнім часам у рэгіёне ўзрастае роля транспартна-лагістычнага комплексу, які ўключае і чыгункі, і паветраныя гавані, і марскія парты, і буйны паштовы тэрмінал. Упершыню за 120 гадоў тут будуецца новая прыватная чыгунка. У гэтым годзе пачнецца будаўніцтва вугальнага порта на 30 млн т вугалю ў год.

"Калі гаварыць аб узаемадзеянні з Беларуссю, то мы за 20 гадоў ужо сфарміравалі добрую базу, а цяпер настаў час для рыўка", - падкрэсліў Міхаіл Дзегцяроў. Паводле яго слоў, дэлегацыя мае намер наведаць шэраг беларускіх машынабудаўнічых прадпрыемстваў, прадукцыя якіх асабліва цікавіць расійскіх прадпрымальнікаў. Гэта, у прыватнасці, МАЗ і БЕЛАЗ. Дарэчы, у прадукцыі апошняга Хабараўскі край адчувае істотную патрэбнасць. "Сёння гарнарудная справа ў Хабараўскім краі развіваецца імклівымі тэмпамі. Мы здабываем олава, вугаль, медзь, золата. Нам патрабуюцца самазвалы, у тым ліку шахтавыя. Рэгіён заяўкі свае прывёз - іх больш за 30", - сказаў губернатар.

версія для друку

зрабіць стартавай

дабавіць у выбранае