Бізнес-навіны

Катар зацікаўлены развіваць супрацоўніцтва з "Вялікім каменем"

23 верасня, Мінск /Кар. БЕЛТА/. Кітайска-беларускі індустрыяльны парк "Вялікі камень" і Катар зацікаўлены ў развіцці двухбаковага супрацоўніцтва, паведамляе БЕЛТА са спасылкай на прэс-службу парка.

Індустрыяльны парк наведаў часовы павераны ў справах Дзяржавы Катар у Беларусі Мешааль аль-Атыя. Кіраўнік дыпламатычнай місіі азнаёміўся з гісторыяй "Вялікага каменя", асаблівасцямі прававога рэжыму і дзейнасцю рэзідэнтаў, а таксама работай цэнтра комплекснага абслугоўвання "Адна станцыя". У час перагавораў Мешааль аль-Атыя высока ацаніў развіццё парка і створаную тут інфраструктуру. Бакі пацвердзілі намер развіваць супрацоўніцтва ў далейшым.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

версія для друку

зрабіць стартавай

дабавіць у выбранае