Бізнес-навіны

Кантракты на $55 млн падпісаны па выніках першага дня візіту беларускай дэлегацыі ў Азербайджан

Фота з архiва

18 мая, Баку /Кар. БЕЛТА/. Кантракты на $55 млн падпісаны па выніках першага дня візіту беларускай дэлегацыі ў Азербайджан. Аб гэтым паведаміў сёння журналістам старшыня Беларускай гандлёва-прамысловай палаты Міхаіл Мятлікаў, перадае карэспандэнт БЕЛТА.

"Сёння прайшла бізнес-сустрэча паміж азербайджанскімі і беларускімі кампаніямі. Падпісаны шэраг кантрактаў на агульную суму каля $55 млн. Гэта толькі першы дзень. Устанаўліваюцца новыя кантакты. Думаю, у наступныя дні мы пачуем аб новых кантрактах", - сказаў Міхаіл Мятлікаў.

Паводле яго слоў, асноўныя кантракты заключаны ў сферы дрэваапрацоўкі. У іх ліку дагаворы паміж ААТ "Мастоўдрэў" і ЗАТ "САСНА" на пастаўку фанеры ($17,9 млн), пліты МДФ, ЛМДФ ($14,4 млн), ламінаванага падлогавага пакрыцця ($7,4 млн), піламатэрыялаў ($2,1 млн). Таксама заключаны кантракты паміж ААТ "ФанДАК" і ULU GOUYCHA Ltd на пастаўку клеенай фанеры ($5,3 млн), паміж ААТ "Кіруючая кампанія холдынга "Беларускія шпалеры" і ТАА "СН-Паліграф" на пастаўку трохслаёвага цэлюлознага мелаванага кардону ($2,4 млн).

Яшчэ адна актуальная сфера - прадукты харчавання. Камерцыйныя кантракты падпісаны паміж ААТ "Лідскі малочна-кансервавы камбінат" і ТАА "PFC AZ" на пастаўку сухіх малочных прадуктаў ($2 млн) і паміж Ваўкавыскім ААТ "Беллакт" і LLC "Jasmin Trading" на пастаўку дзіцячага харчавання і спецыялізаваных прадуктаў для цяжарных жанчын і кормячых маці ($1,2 млн).

РУП "Кіруючая кампанія холдынга "Беларуская шкляная кампанія" і ТАА "Inci Kristal" заключылі кантракт на пастаўку вырабаў са шкла і хрусталю вытворчасці ААТ "Шклозавод Нёман" (на $1 млн). Заключаны і шэраг іншых кантрактаў і дагавораў на пастаўкі розных відаў прадукцыі на азербайджанскі рынак.

Акрамя таго, беларускія прадпрыемствы 18-20 мая прадстаўляюць сваю прадукцыю на міжнародных выстаўках Caspian Agro і Inter Food у Баку. Экспазіцыя Беларусі на выстаўцы прадстаўлена 39 прадпрыемствамі і арганізацыямі. Агульная плошча экспазіцыі складае 245 кв.м.

Caspian Agro з'яўляецца буйной міжнароднай выстаўкай у сферы сельскай гаспадаркі. Сярод асноўных яе раздзелаў: інавацыйныя тэхналогіі ў сельскай гаспадарцы, сельскагаспадарчая тэхніка, жывёлагадоўля і птушкагадоўля, кармы, ветэрынарыя, сельскагаспадарчы ландшафт, парнікі і аранжарэі, раслінаводства, вырошчванне садавіны, агародніны, кветак, баваўнаводства, тэкстыль і многае іншае.

Выстаўка Inter Food Azerbaijan праходзіць паралельна з Caspian Agro і з'яўляецца галоўным месцам сустрэчы ігракоў харчовай прамысловасці Прыкаспійскага рэгіёна.

У гэтым годзе сярод удзельнікаў Caspian Agro і Inter Food Azerbaijan - 450 кампаній з 27 краін, у тым ліку Беларусі, Азербайджана, Германіі, Грузіі, Іспаніі, Італіі, Індыі, Літвы, Нідэрландаў, Расіі, Саудаўскай Аравіі, ЗША, Турцыі, Шры-Ланкі.

версія для друку

зрабіць стартавай

дабавіць у выбранае