Бізнес-навіны

Камбайн "Гомсельмаша" і тры мадэлі трактароў "Беларус" прадстаўлены на міжнароднай выстаўцы ў Малдове

Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Калінін (справа). Фота Пасольства Рэспублікі Беларусь у Рэспубліцы Малдова

23 сакавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Малдова Анатоль Калінін і супрацоўнікі пасольства наведалі 41-ю Міжнародную спецыялізаваную выстаўку машын, абсталявання і тэхналогій для аграпрамысловага комплексу MOLDAGROTECH. Аб гэтым карэспандэнту БЕЛТА расказалі ў беларускай загранустанове ў Малдове.

Экспазіцыя з'яўляецца буйнейшай выстаўкай аграрнай тэматыкі ў Малдове, у якой прымаюць удзел вядучыя сусветныя вытворцы сельскагаспадарчай тэхнікі, абсталявання і інвентару.

Вытворцы Рэспублікі Беларусь традыцыйна прынялі ўдзел у выстаўцы. Яны прадставілі камбайн "Гомсельмаша" JS 5A і тры мадэлі трактароў "Беларус" Мінскага трактарнага завода. Штогод на малдоўскі рынак пастаўляецца да 600 трактароў "Беларус" і да 20 камбайнаў "Гомсельмаша". Уся беларуская тэхніка ў Малдове забяспечваецца кваліфікаваным гарантыйным і паслягарантыйным сэрвісам на спецыялізаваных станцыях дылераў беларускіх вытворцаў.

У пасольстве звярнулі ўвагу, што аграрыі Малдовы цэняць беларускую тэхніку за высокія якасныя паказчыкі і яе даступны кошт.

версія для друку

зрабіць стартавай

дабавіць у выбранае