Бізнес-навіны

25 жніўня, Мінск /Кар. БЕЛТА/. Нацыянальны банк Беларусі не плануе павышэння стаўкі рэфінансавання. Аб гэтым заявіў па выніках круглага стала ў прэс-цэнтры БЕЛТА намеснік старшыні праўлення Нацыянальнага банка Беларусі Сяргей Калечыц.

"Нацбанк не плануе павышэння стаўкі рэфінансавання і стаўкі па іншых інструментах рэгулявання, паколькі мы лічым, што іх узровень знаходзіцца на даволі высокім рэальным значэнні", - сказаў Сяргей Калечыц. "Нейкіх фундаментальных фактараў, якія падштурхнулі б нас на павышэнне, няма", - рэзюмаваў ён.