Бізнес-навіны
Кабякоў: Выкарыстанне патэнцыялу льняной галіны можа ўнесці істотны ўклад у эканоміку
11 студзеня, Мінск /Кар. БЕЛТА/. Выкарыстанне патэнцыялу льняной галіны можа ўнесці істотны ўклад у эканоміку. Аб гэтым заявіў прэм'ер-міністр Андрэй Кабякоў на пасяджэнні Прэзідыума Савета Міністраў, на якім разглядаліся пытанні выканання даручэнняў кіраўніка дзяржавы і ўрада па павышэнні эфектыўнасці вырошчвання льну, вытворчасці і перапрацоўкі льновалакна, паведамілі БЕЛТА ў прэс-службе ўрада.
Паводле слоў Андрэя Кабякова, Беларусь была і застаецца адной з вядучых краін - вытворцаў ільновалакна. Да аб'ектыўных канкурэнтных пераваг адносяцца і спрыяльныя прыродна-кліматычныя ўмовы для вырошчвання льну. На яго думку, выкарыстанне патэнцыялу льнянога падкомплексу можа ўнесці істотны ўклад у эканоміку краіны за кошт усё большага попыту на льняную прадукцыю на знешнім рынку.
Кіраўнік урада таксама адзначыў, што для павышэння эфектыўнасці першаснай перапрацоўкі льну ў рэспубліцы праведзена мадэрнізацыя арганізацый ільняной галіны шляхам набыцця сучаснага высокапрадукцыйнага абсталявання. У 2016 годзе льнотрасту перапрацоўвалі 29 ільнозаводаў, на якіх устаноўлены 54 тэхналагічныя лініі выпрацоўкі льновалакна, у тым ліку 10 высокапрадукцыйных.
Асноўныя задачы, якія цяпер вырашаюцца ў ільняным падкомплексе, - павышэнне якасці льновалакна з адначасовым зніжэннем яго сабекошту, а таксама павелічэнне глыбіні перапрацоўкі льновалакна з выхадам на гатовыя вырабы з высокай дабаўленай вартасцю, адзначыў прэм'ер-міністр.
версія для друку
зрабіць стартавай
дабавіць у выбранае