Бізнес-навіны

Як выконваюцца даручэнні Прэзідэнта: мадэрнізацыя для новай вытворчасці бытавой тэхнікі "Мідэа-Гарызонт"

Фота "Мідэа-Гарызонт"

18 красавіка, Мінск /Кар. БЕЛТА/. Холдынг "Гарызонт" ідзе ў нагу з часам, працуючы над інавацыямі і ў цесным супрацоўніцтве з кітайскімі партнёрамі, што і прадугледжана дамоўленасцямі на вышэйшым узроўні паміж Беларуссю і Кітаем, паведамляе БЕЛТА.

"У рамках даручэнняў Прэзідэнта Рэспублікі Беларусь па выніках яго візіту ў Кітайскую Народную Рэспубліку ў лютым-сакавіку 2023 года ў мэтах паглыблення супрацоўніцтва з Кітаем па тэхналагічным развіцці і мадэрнізацыі беларускіх прадпрыемстваў з укараненнем сучасных кітайскіх тэхналогій былі праведзены перагаворы з партнёрамі з Midea Group і прынята рашэнне па пашырэнні ўзаемадзеяння і стварэнні новай вытворчасці па выпуску ўбудаванай кухоннай тэхнікі", - расказалі ў холдынгу, які ўзначальвае генеральны дырэктар Юрый Прадко.

Так, у другой палавіне сакавіка стартавала рэканструкцыя вытворчых плошчаў прадпрыемства. Пасля яе завяршэння на магутнасцях завода будзе размешчана самае сучаснае і тэхналагічнае вытворчае абсталяванне. Новая вытворчасць будзе размешчана на 10 тыс.кв.м з магчымым пашырэннем да 25 тыс.кв.м у рамках другога этапу развіцця праекта.

"Плануецца выпуск вялікага асартыменту прадукцыі ад базавага да прэміум-класа, якая зможа задаволіць любога спажыўца, - адзначылі вытворцы. - У распрацоўцы прадукту будуць задзейнічаны тэхналогіі на аснове лепшых сусветных практык. Пры гэтым тэхніку будзе вызначаць стыльны дызайн з эксклюзіўнымі колерамі, высокая прадукцыйнасць і функцыянальнасць. Плануецца ўкараненне самых апошніх тэндэнцый: выкарыстанне да 12 функцый гатавання ежы, уключаючы Air Fry, эмалі лёгкай ачысткі, інтуітыўна зразумелага кіравання, тэлескапічных накіравальнікаў для вымання бляхі, да трох пластоў шкла для высокай цеплаізаляцыі".

Сумеснае прадпрыемства па вытворчасці бытавой тэхнікі "Мідэа-Гарызонт" - сумесны праект двух буйнейшых вытворцаў бытавой тэхнікі Рэспублікі Беларусь і Кітайскай Народнай Рэспублікі: беларускага холдынга "Гарызонт" і кітайскай кампаніі Midea Group.

Кампанія Midea Group налічвае 35 вытворчых цэнтраў з прыкладна 166 тыс. супрацоўнікаў у больш як 200 краінах і забяспечвае гадавую выручку больш за $53 млрд. Midea Group, буйнейшы ў свеце вытворца бытавой тэхнікі, у 2022 годзе заняла 245-ю пазіцыю ў спісе 500 буйнейшых у свеце кампаній Global Fortune - 500.

Сумесная беларуска-кітайская вытворчасць "Мідэа-Гарызонт" створана ў 2007 годзе. Прадпрыемства з'яўляецца лідарам і фактычна адзіным вытворцам мікрахвалевых печаў у Еўразійскім эканамічным саюзе. На СТАА "Мідэа-Гарызонт" ажыццяўляецца поўны цыкл тэхналагічнага працэсу з высокай ступенню лакалізацыі, вырабляюцца мікрахвалевыя печы пад брэндамі Horizont, Midea і яшчэ больш як 20 лакальнымі і сусветнымі брэндамі-лідарамі ў сферы бытавой тэхнікі. Завод выйшаў на поўную загрузку вытворчых магутнасцей па мікрахвалевых печах. Цікавы факт: кожная другая мікрахвалевая печ, прададзеная ў Беларусі і Расіі, выраблена на "Мідэа-Гарызонт".

версія для друку

зрабіць стартавай

дабавіць у выбранае