Бізнес-навіны

Гусенічныя трактары МТЗ будуць збіраць у Башкортастане

Фота МТЗ

16 студзеня, Мінск /Кар. БЕЛТА/. Мінскі трактарны завод плануе пашырыць мадэльны рад зборачнай вытворчасці ва Уфе (Башкортастан), паведамілі БЕЛТА ў прэс-службе МТЗ.

"На базе сельскагаспадарчага прадпрыемства "Башсельгастэхніка" дзейнічае зборачная вытворчасць трактароў BELARUS магутнасцю 80 к.с. і 130 к.с. МТЗ пастаўляе кампаніі трактаракамплекты на аснове прамога дагавора па 100-працэнтнай папярэдняй аплаце. Для пашырэння мадэльнага рада тэхнікі, што выпускаецца ў Башкортастане, дасягнуты дамоўленасці аб арганізацыі зборачнай вытворчасці гусенічных трактароў", - расказаў намеснік маркетынг-дырэктара па камерцыйнай рабоце на рынках краін СНД - начальнік упраўлення папулярызацыі і рэалізацыі прадукцыі ў краіны СНД Міхаіл Вардугін. Размова ідзе аб дзвюх мадэлях - 1502 і 2103, магутнасць якіх 156 і 212 конскіх сіл адпаведна.

Выпускаемыя на базе "Башсельгастэхнікі" трактары BELARUS, у тым ліку аснашчаныя навігацыйнымі ўстройствамі, удзельнічаюць у рэгіянальнай праграме субсідзіравання Башкортастана. "Разлічваем, што сабраныя ў гэтай кампаніі гусенічныя трактары таксама трапяць у мясцовыя праграмы падтрымкі сельгасвытворцаў, што распаўсюджваюцца на тэхніку, якая выраблена ў расійскай аўтаноміі. І частка іх кошту будзе кампенсавацца канечнаму спажыўцу", - адзначыў Міхаіл Вардугін.

Цяпер бакі вызначаюць кошт трактаракамплектаў. "Гэта краевугольнае пытанне. Гатовы прадукт павінен быць канкурэнтаздольным. Іншых праблем пакуль няма", - канстатаваў намеснік маркетынг-дырэктара.

Мінскі трактарны завод пастаўляе тэхніку ў Башкортастан па двух напрамках. Гатовыя BELARUS на тэрыторыі расійскай аўтаноміі рэалізуюць суб'екты тавараправоднай сеткі МТЗ у гэтым рэгіёне - гандлёва-вытворчая кампанія "МТЗ-Татарстан" і яе дылер у Башкортастане ТАА "ВА Тэхрэсурс". Камплекты для выпуску трактароў па ліцэнзіі МТЗ адпраўляюцца ў адрас ДУСП "Башсельгастэхніка". Зборачная вытворчасць была створана ў 2017 годзе. Спачатку ва Уфе выпускаліся толькі BELARUS-82. Аднак ужо праз год у сталіцы Башкортастана быў дадзены старт зборцы трактароў BELARUS-1221.3.

Мінскі трактарны завод - адзін з буйнейшых вытворцаў сельскагаспадарчай тэхнікі ў свеце. У склад холдынга, акрамя МТЗ, уваходзяць 10 прадпрыемстваў, створана 25 зборачных вытворчасцей за мяжой. Прадукцыя прадстаўлена на рынках больш як 60 дзяржаў свету.

версія для друку

зрабіць стартавай

дабавіць у выбранае