Бізнес-навіны

ГПП Беларусі і Кітая будуць садзейнічаць развіццю дзелавых адносін дзвюх краін

Фота з архiва

31 жніўня, Мінск /Кар. БЕЛТА/. ГПП Беларусі і Кітая будуць садзейнічаць развіццю дзелавых адносін дзвюх краін. Аб гэтым БЕЛТА паведамілі ў БелГПП па выніках анлайн-перагавораў прадстаўнікоў беларускіх і кітайскіх прадпрыемстваў, якія арганізавала Мінскае аддзяленне БелГПП з Камітэтам садзейнічання развіццю міжнароднага гандлю Шанхая.

Мерапрыемства адкрылі генеральны дырэктар Мінскага аддзялення БелГПП Сяргей Набешка і віцэ-старшыня Камітэта садзейнічання развіццю міжнароднага гандлю Шанхая Ю Чэн. Яны пацвердзілі гатоўнасць і ў далейшым садзейнічаць рэалізацыі ініцыятыў бізнесу дзвюх краін, выкарыстоўваючы інструменты і магчымасці гандлёва-прамысловых палат.

У перагаворах таксама ўдзельнічалі генеральны консул Беларусі ў Шанхаі Андрэй Андрэеў, прадстаўнік Беларускай гандлёва-прамысловай палаты ў Кітаі Фэнчжы Го, прадстаўнікі 11 прадпрыемстваў дзвюх краін.

Бізнесмены Беларусі і Кітая абмеркавалі супрацоўніцтва ў галіне вытворчасці і паставак хлебабулачных вырабаў, вінаградных він, малочных прадуктаў, у гарбарнай галіне, міжнародных перавозках, продажы касметыкі, а таксама медыцынскага абсталявання.

версія для друку

зрабіць стартавай

дабавіць у выбранае