Бізнес-навіны

Генконсульства Беларусі ў Шанхаі падвяло вынікі ўдзелу ў 4-й Кітайскай міжнароднай выстаўцы імпарту

Фота Генконсульства Беларусі ў Шанхаі

16 лістапада, Мінск /Кар. БЕЛТА/. Экспартныя і інвестыцыйныя магчымасці Рэспублікі Беларусь былі прадстаўлены на 4-й Кітайскай міжнароднай выстаўцы імпартных тавараў і паслуг, якая 5-10 лістапада адбылася ў Шанхаі. Аб гэтым карэспандэнту БЕЛТА паведамілі ў Генеральным консульстве нашай краіны.

"Магчымасці Беларусі былі прадстаўлены генеральным консулам Андрэем Андрэевым на праведзеных у час выстаўкі Міжнародным малочным форуме, Кітайскім саміце па імпарце харчовых тавараў, круглым стале краін "Аднаго пояса, аднаго шляху" па прамых пастаўках у КНР", - расказалі ў загранустанове.

Ад імя старшыні Мінскага абласнога выканаўчага камітэта Аляксандра Турчына генконсулам падпісана пагадненне аб супрацоўніцтве паміж Мінаблвыканкамам і ТАА "Кітайская карпарацыя імпарту і экспарту будаўнічай і сельскагаспадарчай тэхнікі", а таксама ААТ "Кітайская карпарацыя інжынірынгу САМС". У ходзе перагавораў з кіраўніцтвам правінцыі Цзянсі дасягнута дамоўленасць аб умацаванні дружалюбных адносін і пашырэнні міжрэгіянальнага супрацоўніцтва з Віцебскай вобласцю, уключаючы правядзенне сумесных мерапрыемстваў у рамках Года рэгіёнаў Беларусі і Кітая.

У час наведвання Цэнтра міжнароднага гандлю раёна Хунцяа горада Шанхай і перагавораў з кіраўніцтвам гэтага раёна абмеркаваны магчымасці гандлёва-эканамічнага і інвестыцыйнага супрацоўніцтва, уключаючы прыцягненне інвестараў у Кітайска-беларускі індустрыяльны парк "Вялікі камень".

Акрамя таго, праведзены сустрэчы з прадстаўнікамі некаторых кітайскіх кампаній-імпарцёраў па пытаннях пашырэння і дыверсіфікацыі беларускага экспарту.

Генеральнае консульства прыняло ўдзел ва ўрачыстай цырымоніі адкрыцця павільёна Кітайска-беларускага індустрыяльнага парка "Вялікі камень", прэс-канферэнцыі па развіцці ў парку праекта традыцыйнай кітайскай медыцыны, а таксама цырымоніі падпісання пагадненняў паміж кіраўніцтвам парка і кітайскімі кампаніямі.

версія для друку

зрабіць стартавай

дабавіць у выбранае