Бізнес-навіны
Гарлыкскі ГАК плануецца адкрыць 31 сакавіка
20 сакавіка, Мінск /Кар. БЕЛТА/. Урачыстае адкрыццё Гарлыкскага горна-абагачальнага камбіната запланавана на 31 сакавіка. Аб гэтым ішла размова на сустрэчы ў Ашхабадзе старшыні Савета Рэспублікі Міхаіла Мясніковіча з намеснікам старшыні Кабінета міністраў Туркменістана Батырам Эрэшавым, паведамілі БЕЛТА ў прэс-службе верхняй палаты беларускага парламента.
Сустрэча адбылася ў час рабочага візіту Міхаіла Мясніковіча ў Туркменістан 15-18 сакавіка. "Міхаіл Мясніковіч і Батыр Эрэшаў разгледзелі пытанні завяршэння будаўніцтва і ўрачыстага адкрыцця Гарлыкскага горна-абагачальнага камбіната, намечанага на 31 сакавіка бягучага года, з удзелам Прэзідэнта Туркменістана Гурбангулы Бердымухамедава", - праінфармавалі ў прэс-службе.
Асноўнай мэтай візіту стала наведванне Гарлыкскага горна-абагачальнага камбіната і вырашэнне пытанняў, што датычацца завяршэння яго будаўніцтва і здачы ў эксплуатацыю. "Міхаіл Мясніковіч наведаў шахту па здабычы калійнай руды, фабрыку па вытворчасці калійных угнаенняў, адміністрацыйны комплекс, лабараторыі, склады руды і гатовай прадукцыі. Старшыня Савета Рэспублікі пракантраляваў выкананне работ на аб'екце, а таксама па навядзенні парадку на тэрыторыі", - дадалі ў прэс-службе.
версія для друку
зрабіць стартавай
дабавіць у выбранае