Бізнес-навіны

Галоўчанка: тавараабарот Беларусі і Валгаградскай вобласці ўстойліва расце

28 сакавіка, Мінск /Кар. БЕЛТА/. Тавараабарот Беларусі і Валгаградскай вобласці ўстойліва расце. Аб гэтым заявіў прэм'ер-міністр Беларусі Раман Галоўчанка ў час рабочай сустрэчы з губернатарам Валгаградскай вобласці Андрэем Бачаровым у Валгаградзе, паведамляе карэспандэнт БЕЛТА.

"Прамыя сувязі з суб'ектамі РФ - гэта аснова пабудовы эфектыўнай мадэлі гандлёва-эканамічнага ўзаемадзеяння і далейшага ўмацавання братэрскіх адносін народаў Беларусі і Расіі. Менавіта з такой мэтай мы знаходзімся сёння на валгаградскай зямлі. Мы ўдзяляем вялікую ўвагу супрацоўніцтву з вашым рэгіёнам. Эфект відавочны: назіраецца ўстойлівы рост тавараабароту, прычым расце як беларускі экспарт у рэгіён, так і наш імпарт з Валгаградскай вобласці", - сказаў Раман Галоўчанка.

За мінулы год тавараабарот павялічыўся ў 1,5 раза. "Гэта добрая дынаміка. Важна, каб яна развівалася і захоўвалася ў далейшым. Гэта магчыма толькі за кошт пошуку і рэалізацыі новых праектаў", - адзначыў прэм'ер-міністр.

Прамысловыя арганізацыі Валгаградскай вобласці, бізнес з'яўляюцца важнымі інвестарамі ў эканоміку Беларусі. "У нас рэалізуецца некалькі прамысловых інвестыцыйных праектаў з удзелам валгаградскіх арганізацый, яшчэ шэраг знаходзіцца ў прапрацоўцы", - дадаў кіраўнік беларускага ўрада.

Паводле яго слоў, вынік для развіцця супрацоўніцтва даюць і пабрацімскія сувязі паміж Валгаградам і Віцебскам.

версія для друку

зрабіць стартавай

дабавіць у выбранае