Бізнес-навіны

Галоўчанка: тавараабарот Беларусі і Ніжагародскай вобласці за 10 месяцаў вырас на 11 працэнтаў

9 снежня, Мінск /Кар. БЕЛТА/. Тавараабарот Беларусі і Ніжагародскай вобласці за 10 месяцаў вырас на 11 працэнтаў да аналагічнага перыяду 2023 года. Аб гэтым заявіў прэм'ер-міністр Беларусі Раман Галоўчанка ў час пасяджэння Савета дзелавога супрацоўніцтва Беларусі і Ніжагародскай вобласці, перадае карэспандэнт БЕЛТА.

"Мы з губернатарам напярэдадні пасяджэння абмеркавалі шэраг найбольш актуальных, гарачых пытанняў двухбаковага супрацоўніцтва. Па многіх напрамках работа развіваецца актыўна, але дзе-нідзе трэба паднаціснуць. Напэўна, асноўным вынікам нашай работы бягучага года з'яўляецца развіццё ўзаемнага гандлю. Паводле нашых даных, за 10 месяцаў бягучага года тавараабарот вырас на 11 працэнтаў да аналагічнага перыяду мінулага года і перавысіў $650 млн у эквіваленце. Прычым, што асабліва характэрна, тавараабарот збалансаваны, і экспартна-імпартныя патокі ў абодвух напрамках практычна адпавядаюць. Гэта добрая дынаміка, трэба забяспечыць яе ўмацаванне і далейшы рост тавараабароту", - сказаў Раман Галоўчанка.

Традыцыйна адной з асноўных тэм з'яўляецца прамысловая кааперацыя. "Дзякуючы актыўнай і паслядоўнай пазіцыі губернатара мы сур'ёзна сумесна развілі пляцоўку ніжагародскага прадпрыемства "Ніжэкатранс" па вытворчасці трамваяў і электробусаў. Па маршрутах Ніжняга Ноўгарада ўжо курсіруе больш за 60 трамваяў і 30 электробусаў "МіНіН", якія былі выпушчаны на гэтым сумесным прадпрыемстве. Таму мы зацікаўлены ў паслядоўным развіцці гэтага праекта, павелічэнні яго магутнасці і мадэльнага рада выпускаемай прадукцыі", - адзначыў прэм'ер-міністр.

На пляцоўцы ВА "НЛМ" ужо не першы год паспяхова функцыянуе сумесная вытворчасць ліфтаў. Прадпрыемства забяспечвае нядрэнныя аб'ёмы вытворчасці (каля 2,5 тыс. адзінак у год) і ўзровень лакалізацыі каля 50 працэнтаў. "Трэба яшчэ крыху прыкласці намаганняў для яго вываду на поўную вытворчую магутнасць, якая складае 3 тыс. адзінак", - дадаў кіраўнік беларускага ўрада.

версія для друку

зрабіць стартавай

дабавіць у выбранае