Бізнес-навіны

Галоўчанка лічыць цалкам дасягальным тавараабарот з Казахстанам на ўзроўні $1 млрд

У час сустрэчы

17 ліпеня, Мінск /Кар. БЕЛТА/. Прэм'ер-міністр Беларусі Раман Галоўчанка лічыць цалкам дасягальным тавараабарот з Казахстанам на ўзроўні $1 млрд. Аб гэтым ён сказаў сёння на сустрэчы з прэм'ер-міністрам Казахстана Аскарам Маміным, якая праходзіць на палях Еўразійскага міжурадавага савета, перадае карэспандэнт БЕЛТА.

"Статыстыка гандлю наглядна дэманструе, што пастаўленая кіраўнікамі дзяржаў планка тавараабароту ў памеры $1 млрд з'яўляецца цалкам дасягальнай, мы да яе наблізіліся. Вядома, у гэтым годзе на фоне запаволення дзелавой актыўнасці з-за пандэміі аб'ём гандлю крыху зменшыўся, але гэта не выклікае апасенняў. Нам неабходна сканцэнтраваць намаганні, каб зніжэнне не набыло зацяжны характар", - адзначыў Раман Галоўчанка.

Паводле яго слоў, Беларусь нацэлена на пашырэнне ўзаемнага гандлю на раўнапраўных умовах. Цікавасць уяўляюць сумесныя кааперацыйныя праекты.

версія для друку

зрабіць стартавай

дабавіць у выбранае