Бізнес-навіны

Галоўчанка: кантракты на $25 млн падпісаны па выніках візіту дэлегацыі ў Ташкент, большасць у сферы машынабудавання

Фота з архiва

25 красавіка, Ташкент /Кар. БЕЛТА/. Кантракты на $25 млн падпісаны па выніках візіту беларускай дэлегацыі ў Ташкент, большасць у сферы машынабудавання. Аб гэтым заявіў сёння журналістам прэм'ер-міністр Беларусі Раман Галоўчанка, перадае карэспандэнт БЕЛТА.

"Па выніках візіту дэлегацыі ў Ташкент падпісана камерцыйных пагадненняў больш як на $25 млн, большасць з іх у сферы машынабудавання", - сказаў Раман Галоўчанка.

Ён адзначыў, што ва Узбекістана ёсць добры тэхналагічны патэнцыял. Акрамя таго, паблізу Кітай, Рэспубліка Карэя з добрым машынабудаўнічым комплексам. "Таму ў сегменце тыпавога вырабу нам канкурыраваць даволі складана. Але вельмі добра пайшлі, напрыклад, шасі МАЗа з надбудовамі, якія ўстанаўліваюцца тут узбекскімі партнёрамі. Гэта і пажарна-выратавальная тэхніка, і цыстэрны для перавозкі вады, нафтапрадуктаў і гэтак далей. Гэта вельмі добрая ніша, яна выклікала вялікі інтарэс. Думаю, мы наросцім аб'ёмы супрацоўніцтва менавіта па пастаўцы, напрыклад, шасі для вытворчасці ва Узбекістане поўнасабранай тэхнікі", - дадаў прэм'ер-міністр.

версія для друку

зрабіць стартавай

дабавіць у выбранае