Бізнес-навіны

Галоўчанка: аб'ём расійскіх інвестыцый у рэальны сектар эканомікі Беларусі за І паўгоддзе вырас на трэць

29 лістапада, Мінск /Кар. БЕЛТА/. Аб'ём расійскіх інвестыцый, укладзеных у рэальны сектар беларускай эканомікі, за першае паўгоддзе вырас на трэць у адносінах да мінулага года. Аб гэтым заявіў прэм'ер-міністр Беларусі Раман Галоўчанка на пасяджэнні Савета Міністраў Саюзнай дзяржавы ў Маскве, паведамляе карэспандэнт БЕЛТА.

Паводле слоў Рамана Галоўчанкі, актыўнымі тэмпамі расце прысутнасць расійскага бізнесу ў Беларусі. "Для ўзаемадзеяння дзелавых колаў акрамя ўжо традыцыйных выставак выкарыстоўваюцца ўсё больш новых пляцовак. Сярод самых апошніх прыкладаў - гэта праведзены ў кастрычніку ў Магілёве міжнародны кааперацыйны форум па імпартазамяшчэнні "Зроблена ў Расіі" і міжнародны тыдзень бізнесу ва Уфе, які нядаўна завяршыў сваю работу", - сказаў ён.

"За першае паўгоддзе аб'ём расійскіх інвестыцый, укладзеных у рэальны сектар беларускай эканомікі, вырас на трэць у адносінах да мінулага года і склаў больш за 60 працэнтаў усіх замежных інвестыцый. У кантэксце праграм імпартазамяшчэння расійскія кампаніі актыўна размяшчаюць заказы па вырабе камплектуючых вузлоў, агрэгатаў і канечнай прадукцыі на беларускіх прадпрыемствах. І гэта толькі асобныя вынікі нашай сумеснай зацікаўленай работы", - адзначыў прэм'ер-міністр.

версія для друку

зрабіць стартавай

дабавіць у выбранае