Бізнес-навіны

Галоўчанка аб санкцыях адносна Беларусі: сусвет не заканчваецца ні еўрапейскім, ні паўночнаамерыканскім рэгіёнам

Фота з архiва

1 чэрвеня, Мінск /Кар. БЕЛТА/. Беларускі ўрад лічыць, што заходнія санкцыі не ўяўляюць пагрозы эканоміцы нашай краіны. Аб гэтым заявіў журналістам прэм'ер-міністр Раман Галоўчанка сёння па выніках нарады ў Прэзідэнта Беларусі Аляксандра Лукашэнкі, перадае карэспандэнт БЕЛТА.

Каменціруючы па просьбе журналістаў сітуацыю з санкцыямі ў адрас Беларусі, Раман Галоўчанка падкрэсліў: "Тут настолькі адсутнічае логіка, што цяжка пакуль прагназаваць. Дастаткова розныя заявы гучаць з розных бакоў. Мы спакойна сочым за гэтай сітуацыяй, гатовы да розных варыянтаў развіцця падзей і ўпэўнены, што эканоміка Беларусі не толькі выстаіць і пераадолее, але і атрымае новы зарад бадзёрасці, як кажуць, каб больш актыўна працаваць на іншых рынках. Таму што сусвет не заканчваецца ні еўрапейскім рэгіёнам, ні паўночнаамерыканскім. Перад намі вялізная Азія, вялізны Усход. У прынцыпе, цяпер не так шмат унікальных тавараў або тэхналогій, якімі валодае толькі адна або некалькі краін на адным кантыненце".

Урад зрабіў адпаведныя падлікі, далажыў кіраўніку дзяржавы сітуацыю.

Паводле слоў Рамана Галоўчанкі, цяпер беларуская эканоміка працуе абсалютна ўстойліва. Па выніках пяці месяцаў яна дэманструе ўстойлівы рост, дынамічнае развіццё, асабліва па экспарце. За названы перыяд паказчыкі экспарту перасягнулі ўжо ўзровень мінулага года на 35 працэнтаў. Пры гэтым упэўнена расце вытворчасць прадукцыі машынабудаўнічай галіны, нафтахімічны сектар таксама паказвае высокі рэзультат работы.

"Мы гатовы да любых варыянтаў развіцця падзей, але ніякай катастрофы не прадбачым. Усё ў штатным рэжыме", - рэзюмаваў кіраўнік урада.

версія для друку

зрабіць стартавай

дабавіць у выбранае