Бізнес-навіны

Футболкі з сімволікай ІІ Гульняў краін СНД стварылі жодзінскія вытворцы

20 ліпеня, Мінск /Кар. БЕЛТА/. Тры тысячы футболак з бавоўны з сімволікай маючых адбыцца ІІ Гульняў краін СНД паставіць ва ўнівермагі краіны для рэалізацыі на кропках вынаснога гандлю фабрыка "Світанак", паведамляе карэспандэнт БЕЛТА.

На прадпрыемстве распрацавана тры мадэлі футболак для ўсёй сям'і. На баваўняныя вырабы для мужчын і жанчын нанесена васьміканцовая зорка, якая пераходзіць у сімвал краіны - васілёк. На дзіцячых футболках вытворцы адлюстравалі талісман гульняў - беларускую рысь, вобраз, навеяны “маляванкамi” мастачкі Алёны Кіш. Нанесены выявы метадам лічбавага друку на белым палатне.

Дзіцячыя мадэлі пачынаюцца з 30 размеру, дарослыя ў мужчынскім варыянце дасягнуць размеру 60 пры росце 176.

Першая партыя футболак паступіла ўжо ў продаж.

версія для друку

зрабіць стартавай

дабавіць у выбранае