Бізнес-навіны

Эр-Рыяд і Нью-Дэлі. Харчпрам Беларусі зможа прэзентаваць сябе на рынках краін далёкай дугі

Фота НЦМ

4 ліпеня, Мінск /Кар. БЕЛТА/. Нацыянальны цэнтр маркетынгу прапануе айчынным прадпрыемствам харчовай прамысловасці дапамогу ў асваенні рынкаў краін далёкай дугі. У верасні ў Эр-Рыядзе і Нью-Дэлі адбудуцца спецыялізаваныя выстаўкі, і беларускія вытворцы прадуктаў харчавання могуць прадставіць прадукацыю на нацыянальным стэндзе, паведамілі БЕЛТА ў прэс-службе цэнтра.

Міжнародная выстаўка харчовай прамысловасці Foodex Saudi пройдзе ў сталіцы Саудаўскай Аравіі з 16 па 19 верасня. У рамках экспазіцыі будуць прадстаўлены наступныя раздзелы: мясная і малочная прадукцыя, кансерваваная прадукцыя, бакалея, кандытарскія вырабы, снэкі, безалкагольныя напіткі, харчовыя тэхналогіі і абсталяванне, кейтэрынг і не толькі.

Нью-Дэлі прыме міжнародную выстаўку харчовай прамысловасці World Food India з 19 па 22 верасня. Удзельнікі змогуць прадставіць сваю прадукцыю ў такіх раздзелах, як мясная і малочная прадукцыя, морапрадукты, кандытарскія і хлебабулачныя вырабы, напіткі, у тым ліку алкагольныя, алейна-тлушчавая прадукцыя, упакоўка, харчовыя тэхналогіі і абсталяванне. Гэтым пералікам арганізатары не абмяжуюцца.

"Гэта буйнейшыя спецыялізаваныя выстаўкі ў сваіх рэгіёнах, якія традыцыйна прыцягваюць на свае пляцоўкі сотні і тысячы экспанентаў з розных дзяржаў, а таксама дзясяткі тысяч наведвальнікаў, - пракаменціравалі ў прэс-службе. - Запрашаем стаць экспанентам беларускага стэнда на гэтых выстаўках - арганізацыйна-тэхнічныя пытанні ўдзелу вырашыць за вас Нацыянальны цэнтр маркетынгу".

версія для друку

зрабіць стартавай

дабавіць у выбранае