Бізнес-навіны

Экспарт ПВТ за студзень-верасень павялічыўся на 25 працэнтаў і перавысіў $2,3 млрд

8 снежня, Мінск /Кар. БЕЛТА/. Экспарт паслуг кампаній Парка высокіх тэхналогій за студзень - верасень павялічыўся на 25 працэнтаў і перавысіў $2,3 млрд, паведамляе БЕЛТА са спасылкай на сайт ПВТ.

"Па выніках трэцяга квартала 2021 года экспарт паслуг кампаній парка склаў каля $764 млн. Гэта на $160 млн больш, чым за аналагічны перыяд мінулага года. Такім чынам, экспарт ПВТ за дзевяць месяцаў 2021 года перавысіў ужо $2,3 млрд пры тэмпе росту 125 працэнтаў. Сёння гэты паказчык складае трэць усяго экспарту паслуг Беларусі. У 2020 годзе экспарт парка склаў $2,7 млрд", - говорыцца ў паведамленні.

Як адзначылі ў ПВТ, асноўнымі спажыўцамі прадуктаў кампаній-рэзідэнтаў з'яўляюцца ЗША, Кіпр, Вялікабрытанія, Ірландыя і Расія.

"Па аб'ёме падатковых адлічэнняў у рэспубліканскі бюджэт Парк высокіх тэхналогій застаецца ў ліку лідараў: за 9 месяцаў 2021 года рэзідэнты заплацілі Br539,8 млн падаткаў пры тэмпе росту 183,5 працэнта. Акрамя таго, у 2021 годзе ў ПВТ створана 8960 рабочых месцаў. Сёння ў кампаніях парка працуюць больш за 76 тыс. чалавек", - адзначылі ў парку.

версія для друку

зрабіць стартавай

дабавіць у выбранае