Бізнес-навіны

Экспарт беларускай сельгаспрадукцыі ў Таджыкістан у 2020 годзе вырас у 1,4 раза

29 сакавіка, Мінск /Кар. БЕЛТА/. Экспарт беларускай сельскагаспадарчай прадукцыі ў Таджыкістан у 2020 годзе вырас у 1,4 раза. Аб гэтым паведамілі БЕЛТА ў прэс-службе Міністэрства сельскай гаспадаркі і харчавання Беларусі па выніках сустрэчы кіраўніка ведамства Івана Крупко з Надзвычайным і Паўнамоцным Паслом Таджыкістана ў Беларусі Махмадшарыфам Хакдодам.

"Тавараабарот сельскагаспадарчай прадукцыі і прадуктаў харчавання Беларусі і Таджыкістана ў 2020 годзе дасягнуў $9,8 млн. Беларускі экспарт прадуктаў харчавання ў гэту краіну вырас у 1,4 раза і склаў $9,5 млн, - адзначылі ў прэс-службе. - За студзень 2021 года ў Таджыкістан пастаўлена айчыннай сельскагаспадарчай прадукцыі і прадуктаў харчавання на суму $775 тыс. (рост у сем разоў да аналагічнага перыяду мінулага года). Аснову экспарту складаюць цукар, солад, мяса-косная мука і малочная прадукцыя".

У ходзе перагавораў Іван Крупко абмеркаваў з Махмадшарыфам Хакдодам стан і перспектывы развіцця двухбаковых гандлёва-эканамічных адносін, а таксама падрыхтоўку да правядзення пасяджэння сумеснай беларуска-таджыкскай міжурадавай камісіі, якая адбудзецца 5 красавіка ў Душанбэ. У рамках міжурадавай камісіі 6-7 красавіка будуць арганізаваны бізнес-форум і спецыялізаваная выстаўка, дзе беларускія вытворцы пад агульным брэндам Made in Belarus прадэманструюць прадукцыю ключавых галін айчыннай прамысловасці: AgroFood - сельская гаспадарка і прадукты харчавання, TechMaсh - машынабудаванне і тэхналогіі, Wood - дрэваапрацоўчая прамысловасць і мэблевая прадукцыя, Health - ахова здароўя і фармацэўтыка, FMCG - спажывецкія тавары.

версія для друку

зрабіць стартавай

дабавіць у выбранае