Бізнес-навіны

Егіпет зацікаўлены ў куплі абсталявання "АМКАДОР" для пасляўборачнай апрацоўкі і сушкі збожжа

Фота "АМКАДОР"

17 жніўня, Мінск /Кар. БЕЛТА/. Егіпет зацікаўлены ў куплі абсталявання "АМКАДОР" для пасляўборачнай апрацоўкі і сушкі збожжа, паведамілі карэспандэнту БЕЛТА ў прэс-службе холдынга.

Прадпрыемства ТАА "АМКАДОР-Можа" наведала дэлегацыя з Егіпта, якую ўзначаліў міністр унутранага гандлю і забеспячэння Алі аль Саеда Алі аль-Масельхі. Госці азнаёміліся з вытворчасцю, лінейкай выпускаемай прадукцыі і правялі перагаворы з кіраўніцтвам холдынга. Яны выказалі зацікаўленасць у набыцці абсталявання "АМКАДОР" для пасляўборачнай апрацоўкі і сушкі збожжа. Дасягнута дамоўленасць аб падрыхтоўцы камерцыйных прапаноў.

ТАА "АМКАДОР-Можа" - найбуйнейшы ў краіне вытворца зернеачышчальна-сушыльных комплексаў. Прадукцыя завода пастаўляецца спажыўцам не толькі Беларусі, але і Расіі, Казахстана, Сербіі.

версія для друку

зрабіць стартавай

дабавіць у выбранае