Бізнес-навіны

Дзве тысячы адзінак тэхнікі ў год на новай вытворчасці. Што яшчэ ў планах супрацоўніцтва МАЗа і ГД "Акро"

Фота МАЗ

17 кастрычніка, Мінск /Кар. БЕЛТА/. У рамках візіту ва Ульянаўскую вобласць беларускай дэлегацыі, у склад якой увайшлі прадстаўнікі Мінскага аўтамабільнага завода і ТАА "МАЗ-РУС", прайшоў агляд тэхнікі - выніку кааперацыйнага праекта МАЗа і кампаніі "Гандлёвы дом "Акро", паведамілі БЕЛТА ў прэс-службе завода.

Інвестыцыйнае пагадненне аб стварэнні ва Ульянаўску сумеснай вытворчасці аўтапаяздоў на цягачы беларускага МАЗ з ульянаўскім прычэпам "Акро" было заключана ў мінулым годзе, а ў гэтым годзе серыйны выпуск тэхнікі быў наладжаны. Ключы ад 18 аўтапаяздоў, што складаюцца з цягачоў МАЗ і паўпрычэпаў "Акро УСХОД", урачыста перададзены заказчыку.

Як удакладнілі ў прэс-службе сталічнага завода, з моманту пачатку супрацоўніцтва МАЗа з ГД "Акро" выпушчаны ўжо 61 паўпрычэп, у бягучым годзе ў планах вырабіць 70 адзінак.

"На 2025 год намечаны пачатак работ па праектаванні і будаўніцтве новага вытворчага комплексу магутнасцю 2 тыс. адзінак тэхнікі ў год", - падкрэсліў намеснік старшыні ўрада - міністр прамысловасці, інвестыцый і навукі Ульянаўскай вобласці Сяргей Васін.

Як паведамлялася раней, праект па серыйным выпуску прычапной аўтатэхнікі на базе шасі МАЗ мае вытворчую магутнасць да 600 адзінак у год. Пасля пашырэння вытворчасці на наступных этапах з'явіцца магчымасць істотна павялічыць аб'ём выпускаемай прадукцыі - да 2 тыс. адзінак у год. Прадукцыя, выпускаемая ва Ульянаўску гандлёвым домам "Акро", з'яўляецца імпартазамяшчальнай і па сваіх характарыстыках не ўступае заходнім аналагам. Бакі выказваюць упэўненасць, што праект будзе садзейнічаць развіццю кааперацыі Беларусі і Ульянаўскай вобласці.

версія для друку

зрабіць стартавай

дабавіць у выбранае