Бізнес-навіны

Другі энергаблок БелАЭС выпрацаваў 10 млрд кВт.гадз электраэнергіі

Фота з архiва

5 лістапада, Мінск /Кар. БЕЛТА/. Аб'ём выпрацоўкі электраэнергіі другім энергаблокам БелАЭС з моманту яго ўключэння ў аб'яднаную энергасістэму краіны 13 мая 2023 года склаў 10 млрд кВт.гадз. Аб гэтым паведамілі БЕЛТА на атамнай станцыі.

Сумарна Беларуская АЭС выпрацавала больш за 36 млрд кВт.гадз электраэнергіі, у тым ліку ў гэтым годзе каля 14,2 млрд кВт.гадз, што на 20 працэнтаў вышэй за выпрацоўку за ўвесь 2023 год.

Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расійскім праекце "АЭС-2006", які адносіцца да эвалюцыйных праектаў АЭС з вода-вадзянымі рэактарамі (ВВЭР) трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць - унікальнае спалучэнне актыўных і пасіўных сістэм бяспекі. Будынак рэактара накрыты двайной ахоўнай абалонкай. Рэактар не пацерпіць у выпадку землетрасення, урагану, паводкі, узрыву. Першы блок Беларускай атамнай станцыі ўведзены ў прамысловую эксплуатацыю ў чэрвені 2021 года, другі - у лістападзе 2023-га.

версія для друку

зрабіць стартавай

дабавіць у выбранае